පොළොව යටදී බීජයක්
තෙමුණු පොළොවක් විඳිමින්
සිහින දකී විඳින්නට
පොද වැස්සක්
ටිකෙන් ටික වැඩෙන පැළයක්
නිදහසේ විඳිනවා මඳ වැස්සක්
පතමින් තව තවත්
සුන්දරතම වැස්සක්
පුංචි පැළයක් ගසක් වෙනවා
ලොකු කමින් - පොද වැහි , හිරිපොද නොසලකමින්
දැන් මහා රූස්ස ගහක් ;
මුල් ඇදුණු , වේලුණු , කොළ හැලුණු ....
කලාතුරකින්, මැදියමට කිට්ටුව
මහා කුණාටුවක් ; මුල්, වැල් , කොළ සසළ කරමින්
විඳගන්නටත් කළින්ම ගිහින්
හැම මුලක්ම බුරුල්කරමින්
රූස්ස ගසත් කිසිත් නොසිතාම
විඳිමින් කුණාටුවේ මිහිර තවමත් ....
මුල් බුරුල් වැඩුණු රූස්ස ගස
ඔරොත්තු දෙයිද තවත් කුණාටුවකට ?
